Filmi juaj i preferuar “Në Kuadër të Dashurisë”, vjen tani edhe në ekranin e Top Channel!
“Në Kuadër të Dashurisë”, ishte filmi i parë i prodhuar nga Top Media, realizimi i parë i Top Channel Films. Ky projekt bëri bashkë disa nga aktorët më profesionistë dhe personazhet më në zë të momentit dhe arriti që të korrë një sukses të jashtëzakonshëm.
Ndjekësit pritën me brohorima kastin e aktorëve të cilët ishin aty për të takuar fansat e tyre nga afër dhe për të bërë fotografi me ta apo për të dhënë autografe. Projekti i suksesshëm me kastin e aktorëve profesionistë, personazheve publike më në zë të momentit dhe një staf i madh që punuan së bashku arritën që të përcjellin tek publiku emocione, humor dhe shumë energji. Por mbi të gjitha, ashtu siç thoshte dhe regjisori Koloreto Cukali, njerëzit të dalin nga salla e kinemasë me shumë më shumë se vetëm kaq.
“Në Kuadër të Dashurisë” theu çdo rekord shikueshmërie, shitje biletash, impakt tek publiku dhe solli padyshim një frymë të re dhe inovatore në kinematografinë e sotme shqiptare. Tani një lajm i mirë vjen për të gjithë ju dashamirësit e filmit. “Në Kuadër të Dashurisë” do të shfaqet për publikun në ekranin e Top Channel, ditën e premte, ora 21:00. Mos e humbisni!
