”Legjenda e Bastunit”, këtë të premte, ora 22:10, premierë në Top Channel!

E premtja mbrëma në ekranin e Top Channel i rezervohet sërish kinemasë! Këtë here publiku do të ketë kënaqësinë për të ndjekur në tjetër film shqiptar nga Top Channel Films! Bëhet fjalë pikërisht për “Legjenda e Bastunit”!

Jeta e Çeskut ndryshon përgjithmonë kur në Shqipërinë e pasluftës, në pushtet vjen komunizmi, i cili vret e persekuton njerëzit e tij të zemrës. Ama ndjekja e një amaneti mund të jetë e vetmja gjë që e mban Çeskun gjallë, duke i krijuar një dritare shprese në një vend të pashpresë. Për të rigjetur dashurinë e humbur të tij, Sarën.

Mbi këtë fill ngrihen ngjarjet e filmit “Legjenda e Bastunit”, një film nga regjisori Xhoslin Rama dhe me skenar nga Mihal Rama. Thrilleri historik vjen nën interpretimin e Amri Hasanlliu, Amos Muji Zaharia, Ndriçim Xhepa, Vasjan Lami, Ermira Gjata e një kasë aktorësh të rinj.

“Legjenda e Bastunit” vjen këtë të premte, 20 dhjetor, në ekranin e Top Channel! Mos e humbisni, ora 22:10!