![](https://films.top-channel.tv/wp-content/uploads/2023/10/A63B2BE3-47DC-4BAD-B2AD-205F4735DD94.jpeg)
“Në kuadër të dashurisë” vjen me premierën e tij në Gjakovë!
Premiera e filmit “Në kuadër të dashurisë”, i pari prodhim i Top Channel Films mbajtur më datë 9 Tetor në Pallatin e Kongreseve” bëri bashkë personazhe të njohur të ekranit shqiptar. Filmi me protagonist kryesor, Luiz Ejllin dhe Olta Gixharin u prit mes emocioneve të shumta, ku një numër i madh njerëzish iu bashkuan pritjes në tapetin e kuq.
E që nga ajo ditë, filmi më i komentuar dhe më i shumëpritur nga publiku nuk ndalet. Tashmë e dini që “Në kuadër të dashurisë” shfaqet çdo ditë në Tiranë në kinematë Cineplexx dhe Millenium.
“Në Kuadër të Dashurisë” ka udhëtuar drejt Kosovës për premierën e filmit në Prishtinë. Aktorët janë pritur me emocion dhe brohorima nga të gjithë dhe dihet se kasti i aktorëve ka shkëlqyer mbrëmjen e djeshme.
E tashmë radhën e ka qyteti i Gjakovës. Mbrëmjen e sotme është shfaqur premiera e filmit në Kino Hyrije Hana, ku të pranishëm ishin dhe yjet e “Në kuadër të dashurisë”.