AMRI HASANLLIU

Amri Hasanlliu ka lindur më 14 Prill, 1995 në qytetin e Lushnjes. Ai është një aktor, regjisor dhe këngëtar. Amri gjithashtu ka punuar dhe si dublues, dhe zërin e tij mund ta keni dëgjuar në “Mickey Mouse Clubhouse”, “My Little Pony: Friendship Is Magic”, “PAW Patrol”, “Super Monsters”, etj. Në teatër ai numëron mjaft shfaqje ku ka luajtur, e ndër më të suksesshmet mund të përmendim “Atje ku mali takon hënën”, “Pasaporta”, “Çertifikata e martesës”, “Jesus Christ Superstar”, “Mamma Mia”, “Vazoja”, “Zyshë e dashur”, “Kthehemi në shtëpi” e shumë të tjera. Përveç pjesës së aktrimit, Amri që i vogël ka marrë pjesë në festivale të ndryshme për fëmijë dhe ka studiuar për piano.